WEHK: 完全剋制政府冷處理

罷買係一個可以長期執行, 長期比政府壓力, 比較容易說受和理非/中立加入既戰術

實行方面，大家都知道香港人善忘，話罷食吉野家，第2日依然坐滿人，所以我建議用一個令普通人更容易適應既方法 - 逢星期1、3、5罷買

唔係話乜都唔買，日用需要始終是必需，但我地可以慢慢養成既習慣，同時呼籲大家同時慢慢習慣抵制紅底商戶，只光顧良心店舖。

星期1、3、5罷買不等於將唔買既野係2、4、6、7買返，呢個係一個習慣。

1. 週期性罷買係相當可行既一個戰術, 因為更能夠令普通人適應

香港人係善忘既...之前抵制TVB/罷食吉野家, 過兩日D人就唔記得哂, 因為一次過叫人改變生活方式係好難既一件事

以素食者一開始戒肉為例, 叫一個肉食既人一開始盲完全戒肉好難, 戒2個星期就會放棄, 所以好多人成功戒肉既會係一開始只係一個星期揀2兩日食素, 之後慢慢增加 (最近好多朋友本身好憎素食撚既都接受左一個星期2日食impossible meat/beyond meat 代替)

所以建議推廣一星期 3日罷買

2. 罷買影響力可以好大

如果香港有100萬人即1/8人口每星期少3日購物，相當於少5%營業額（1/8*3/7）

香港既特色係租貴, 做生意特別在零售業個固定開支好大，例如係一個旺角經營奶茶鋪，可能營業額係30萬，其中30%（9萬）係材料，8萬係鋪租，8萬係人力，1萬燈油火蠟，淨利潤約4萬。如果一個月少3萬都接近收皮。

店舖收皮，會令到業主、其他服務提供者（例如：建築、供應鏈等）受好大影響。

有人話要罷就罷買樓先有效，冇錯地產商係最大聲，但唔太可行－－因為每日新樓都有10倍以上超額認購，你要叫得到9成日響應先得。同樣地，罷市佔大多數交易額既institutional investors 都好難響應到。

罷買只要迫到零售收皮，成個香港經濟都會倒退，果班只為利益唔理政治既人都會開始不滿政府。

3. 政府用冷處理戰術，打算拖至9月，而罷買係開學之後一樣可以實行，可以向社會施加壓力既最好方法

罷工罷課罷市可以長期執行既人唔多, 好似我身邊好多25-28歲出黎做左野幾年既朋友,有好穩定既career path亦開始要負擔家庭開支, 又或者中年/老年既人, 好難可以陪學生長期三罷, 無疑短期內罷工罷課罷市可以向政府施加最大既壓力, 但長久以黎一定要有一個可以大多數人長期執行既戰術

4. 罷買比遊行、三罷更能夠說服中立派/和理非行動

有好多人特別係岩岩出黎做野/中年既好支持學生行動，但又唔能夠每一次行動都參與到或唔鍾意個個星期遊行。如果係罷買，相信佢地比較易接受。